loader image

Castellano         Asturianu

“Equí tán, estos son, los gaiteros del carbón”

Dende

2016

PRESENTACIÓN

Gaiteros del Carbón.

Una banda comprometía con Asturies, que fusiona la música de raigañu cola minería, señes identitaries de la cultura asturiana.

Espectáculos

Ceremonies

Desfiles

GAITEROS DEL CARBÓN

Hestoria

“Equí tán, estos son, los gaiteros del carbón”

‘EQUÍ TÁN / ESTOS SON / LOS GAITEROS DEL CARBÓN’. FOI UNA DE LES FRASES QUE SE CANTARON NA MARCHA NEGRA DE XUNETU DE 2012, ENTRANDO PA MADRID AL SON DE SANTA BÁRBARA BENDITA. EL LEMA RESONÓ PER MUNCHU TIEMPU NA CABEZA DE PABLO CARRERA, HASTA DAR LLUGAR AL NACIMIENTU D’ESTA BANDA, PURU ESPÍRITU MINERU NA CUENCA’L NALÓN.

Lleer más...

Cuatro años tardó en llevar a cabu el proyectu pero Carrera nunca nun olvidó esi momentu. «La frase quedóme grabada, y namás vi la ocasión aproveché pa organizar la banda». La oportunidá llegó na Cabalgata Reis de 2016, en Llaviana, cuando-y propunxeron desfilar colos alumnos y alumnes de la Escuela de Música A Mansalva, de la que ye director. «Nos suxirieron desfilar vestíos con traxe de mineru, con cascos y demás, como manera de reivindicar les cuenques».

Y ehí encaxaron les pieces: nacieron los Gaiteros del Carbón.

Anque munchos de los sos componentes taben comprometíos con otros proyectos, la ilusión foi contaxosa y sacóse tiempu d’onde nun había pa poder ensayar. «Tenemos un compromisu pa cola música asturiana de raíz y, dende llueu, pa cola cultura asturiana, qu’inclúi a la minería», esplica Carrera. Dempués d’unos meses d’ensayos, con una indumentaria y repertoriu mínimu pero trabayaú debuten n’ochobre de 2016 nel Festival El Xarandal en La Felguera. Y fáenlo a lo grande, acompañando a Celtas Cortos.

«Ye una banda mítica, que lleva más de venti años na escena nacional y siempre se caracterizó por ser mui reivindicativa. Nos dieron la oportunidá d’actuar con ellos y se creó una mui buena complicidá ente dambes dos partes».

L’estrenu foi un éxitu y dende entós trabayen pa consolidar una propuesta que pide «non solo que cada miembru sepa tocar bien el so instrumentu, sinón que tenga un nivel de compromisu y esixencia». Ye lo que caracteriza a los ventiséis componentes.

«Al traviés de la Escuela de Música creóse una auténtica familia, son alumnos y alumnes que crecen xuntos y que van acoyendo a los nuevos». Por eso, esplica Carrera, lo importante agora ye consolidar el grupu, aumentando’l repertoriu y ameyorando a nivel personal. «Y, anque nun ye un oxetivu inmediatu, tamién tamos plantegándonos nuevos proyeutos».
Dende’l so nacimientu, “Gaiteros del Carbón” fizo multitú d’actuaciones en desfiles, entregues de premios, feries, ceremonies… Tamién participaron n’espectáculos con artistes como Celtas Cortos, Marisa Valle Roso, Los Berrones o Dixebra, ente otros.

Actualmente tan dirixíos por Diego Lobo y Arsenio Ruíz.

GAITEROS DEL CARBÓN

Celtas Cortos – Retales de una vida

GAITEROS DEL CARBÓN

Lo que nos define

Compromisu

Comprometíos cola cultura asturiana. Una banda comprometía col so raigañu.

Repertoriu

Cantares populares y de composición propia con arreglos innovadores.

Indumentaria

Un homenaxe a toles persones que llucharon nel sector de la minería.

GAITEROS DEL CARBÓN

Galería de semeyes

GAITEROS DEL CARBÓN

TVGA – LUAR – SANTA BÁRBARA BENDITA

GAITEROS DEL CARBÓN

Contautu & Contratación

Gaiteros del carbón.

Contauta con nos pa más información, consultar disponibilidá, formatos, etc…

Taremos encantaos d’atendete.

 

A Mansalva

+34 667 25 26 11

info@amansalva.es

amansalva.es

WhatsApp

© Gaiteros del Carbón
Diseñu web: vesubio.com